尋找好“鞋”子
這雙鞋子得來不易，同時亦令我真正感受到“金都的特色”！
購買這對鞋子是今年1月的事，本來是沒有那麼快為婚紗鞋張羅，不過去年年底聽朋友仔講，拍攝per-wedding photo是有機會影到婚紗鞋的，所以便提早“尋找我的好鞋子”！
先是睇各大名店，不是款式唔啱，就是價錢唔啱，於是我便轉戰百利！但好幾次到百利，一係有d店舖未開，有開的又唔啱心水，由於時間緊迫，不得不到金都走一轉！
由於聽得太多朋友仔及blogger在金都的遭遇，實在令我對呢個地方有點卻步，不過正所謂“士急馬行田”都冇計啦，一心諗住買現貨走應該冇問題，所以搏一搏！
走進金都，的確有唔少賣婚紗鞋的店舖，當睇過每一間店子後，我決定在這一間店選購！這間店的款式較清麗簡潔，很合我心水，加上價錢唔貴，是不二之選！最初問老闆有冇現貨，她表示有；但到付款一刻才告訴我冇貨！(心諗：唔係呀，咁你都講大話！)由於真的只喜歡這一對，所以唯有訂貨啦！
我購買時是1月1日，1月7日我就要去影per-wedding，所以我問佢幾時會有貨，佢話過兩日就有，1月5日就一定冇問題(我不斷同佢講，我是急用的，5號一定要有)，所以我最後都訂咗！
1月5日放工後立即去取貨，眼見佢門前有很多盒鞋，心知不妙，上前一問，佢竟然未造！我真係嬲到噴火，於是就話佢：你又話5號6:00後一定有，但依家都未有，乜你地咁做生意架，我趕住著架….當然啦，個老闆不斷在解釋，仲話立即幫我做，由於我太唔放心，我就坐在佢舖頭，睇住佢做完為止！
雖然是要一波三折才得到這對鞋，但以這個價錢，能買到既合心水，又舒適的鞋，也算是一件開心事！
2 則回應
留下回應
這對鞋感覺好襯你呀！詩詩文文又不俗氣！
@molly
哈…就是喜歡它的簡單美！