Home Sweet Home (1) – 牆紙篇
有一個星期沒有update blog了，全都是為了我與楊生的Home Sweet Home而忙著忙著！
上星期四，是四天假期的第一天，我同楊生、楊生妹妹及妹夫到旺角選購牆紙，在出發前我們已想好每個房間的牆紙顏色，希望可減省時間，但最後我們共花了差不多3小時才選購了書房及睡房的牆紙，客廳仍未有著落啊！
根據“貨比三家”的原則，我們參考了3-4間的貨品，老實說，是沒有大分別，但它們都有一個共通點….就是不是“明碼實價”，每每都要問價，有時他們所報的價錢都令我們很懷疑，由於我們不是內行人，很難質疑是否合理，我們只憑質料及款式的比較作定斷。
例如，A牆紙和B牆紙的質料、厚度、款式差不多，大小、尺碼及產地就是一樣，我們見另一位客人問職員甲A牆紙的售價，他報價是3百幾一卷；我拿著B牆紙問職員乙，佢就話要千幾一卷(佢無睇任何報價表架，好似有D“隨口蹹”咁“)，我同楊生都好懷疑，點解可以差咁遠！每件貨品在每個人心目中都有一個價值，如果不多於$400，我覺得較合理，加上我覺得佢地做生意手法不太正常，所以我地最終都冇光顧呢間舖頭！
另一個我覺得都幾取巧的例子就是貨品價格與運費是分開計算。本來看中了一款牆紙，價格為2百幾元一卷，心想價錢好抵，但一問之下，佢話要收$500運費，有點像在EBAY 買野，貨價低，但運費高，這種手法我覺得不太老實啊！
花了3小時，最後都買到了合心水的牆紙，睡房是淺紫色，書房就是米黃色！至於客廳，要再花多點時間搜購吧！
3 則回應
留下回應
一定行到腳仔都TIRED 埋啦！！！
希望你地攪間屋時，一切順利啦！
你之前唔係話會住奶奶家嗎?
我係咪記錯咗?
無錯呀，就是因為咁…所以要裝修及換過d傢俬….