幸福

囍@心情篇  |  幸福, 生活

究竟什麼是幸福？我覺得幸福就是能關愛身邊的人，而身邊的人亦同樣愛你…這就是幸福！

幸福是…

每朝早上，媽媽會問：囡呀，食唔食早餐呀？如果食，蛋治定奶醬多呀(我最喜愛的方便早餐)，化完妝就叫我整啦，太早整定就涷晒啦！

媽媽總好似知道我的身體狀況，定時定候就會煲定合適的湯水，滋補一番！

又當我病的時間，媽媽總會煲定粥或清湯米粉，好讓我服藥前食用！

決定結婚之後，媽媽就話：你間房我就唔會郁架啦，你鍾意就返嚟住吓啦，我又可以煲多D湯水你飲！

2007年，由於長期過著非人的工作生活，又要讀書，精神唔多好，早就想脫離女魔頭嘅魔掌！只是覺得…會唔會太任性呢！有日爸爸就同我講：囡呀，做野辛苦就預咗架啦，但如果做得太受氣、又睇唔到有進升前景，就不如唔好做啦，專心讀書，比自己抖吓，讀完書再算啦！正正得到家人的支持，2007年下半年，我放了一個很快樂的悠長假期！

我妹妹總將我的喜好，我的事放上心！時不時我的電話就會響起：家姐呀，我見到件披肩好靚喎，幫你買好唔好呀！前陣子，我做起事來不太順心，妹妹就將Annual Dinner 抽到的大獎送給我，佢話：我將我的好運給你，接下來你一切就會事事如意啦！

當美國及德國的舅父知道我的婚訊後，就話要舉家回來祝賀我！雖然我好開心，但畢竟這個時勢留多個$$會好d，他們有這份心意我已經很滿足！但舅父舅母常說，看著我大，總希望看著我出嫁！

除了家人，朋友們的愛也讓我感到幸福！一告之大家我的婚訊，除了祝賀

電話及e-mail外，就是源源不絕的婚禮資訊！有的是已婚朋友他們之前用過的vender 資料，有的就是他們的親朋戚友用過的vender 資料！還要感謝姊妹們的支持！我一個電話，請她們陪我奔西跑去睇婚禮用品，她們總是義不容辭，有時還要呆等我幾個鐘都毫無怨言，深深感激你們啊！

我老闆的體諒亦是令我感到幸福！公司裡只有我部門老闆知道我將會結婚，由於佢知道我常要為婚事張羅，佢好多時都好體諒我，仲話：有時如果就到嘅，唔駛專登攞假，我比你返早d放早d，你留返多d假結婚前後用啦！

讓我感到幸福的，又點可以唔提楊生！前幾年，我身體出現問題，楊生總在我身邊安慰我、鼓勵我！縱然佢平時很少下廚，記得有次我生病，佢為我煮咗一碗火腿通粉，雖然是很平凡，但很美味，可能這就是所謂「幸福的味道」！當然，楊生還做了許多讓我感動的事，就在這裡先賣一個關子，因為要留待wedding date與大家分享！

「幸福」真的不是必然，要懂得「惜福」及關愛身邊的人才是最重要！

• 甦醒… (2)
• 3個月… (2)
• 一個月… (6)
• 給我愛過的男孩們 (0)
• 單身‧情人節 (2)

留下回應

點這裡取消回覆

名稱 (必填) :
電郵 (必填) :
網址 :
回應 : 插入表情符號

• 關閉