尋“偶”記
Miffy …Miffy…我終於搵到你啦！
話說昨日我同楊生反轉咗尖沙咀都搵唔到合心水嘅miffy做花車公仔，唔係太大就太細，合size嘅，就換唔到衫(因為我要除到原本個件，先可以換到件婚紗禮服嘛)！有間舖頭個sales仲扼我，“中size嘅miffy係冇得換衫架喎”我心諗唔係呀，冇理由，alt於是我同楊生就轉戰旺角！
去到旺角，第一時間去矎華，因為記得3樓有間舖有賣miffy精品！行到2樓，見到有間玩具舖，有隻啱size miffy 又可以換衫，於是9秒9就入去叫阿姐比我睇下，心諗“嘩！仲唔係你！”但我依然好冷靜無流露我喜悅之情，並問阿姐“幾$$呀”阿姐話：$198啦！
問心…係個刻…我好想立即買，但我今年比自己的格言是：凡事要三思而行！加上隻miffy個頭…有塵(我怕阿姐會比個隻我)，我再望下楊生，佢眼神示意我走，咁我就走啦！出到門口，楊生話，嘩！佢個隻好唔得喎，咁烏糟！我都好有同感，於是我地就去3樓個間睇睇先！
3樓個間，果然有display 同一款miffy，不過人地就好好多，有個袋仔入住！我就入去問價錢啦，一問…不得了！$168咋….哈！今次我再作鎮定同佢講：買兩隻有冇得平呀？老闆就話，最多$320比你啦！YEN貴咗好多呀…最平啦！最後當然成交啦！我就開開心心帶兩個寶貝返屋企啦！alt
除咗成功買咗miffy開心之外，好開心開始識講價啦！Yeah!!!
下一步就交比Chattie 啦！Chattie 辛苦你啦！
5 則回應
留下回應
下次講價要主動，唔好要我提呀! :biggrin:
哦…好呀！
果然係勁左，唔會心急！！！！我要好好學習啦！！！
好彩唔心急先唔會買到DIRTY MIFFY！
返到家有沒有即刻除左人地件衫落來~？！哈哈！係睇下件衫除唔除得啫~嘻嘻！
又完成一樣野啦，恭喜！
我十四號拎埋本公仔書比你睇下0岩唔0岩用！
雯姐，THANKS!!!