場地佈置的最後決定….

囍@酒席篇  |  

做呢個決定前，我的確經過多翻思量，真是好不容易…好不容易才落訂！！

星期二晚，我同楊生到wedding art傾場地佈置事宜，我一早就準備咗photo reference，好讓deco公司知道我地的要求！之前參考過wedding art的作品，都知道佢地一向是做西式為主，心裡已有準備，萬一佢地中式deco唔合我地心水，我場地佈置會放棄用中式懷舊 的deco theme！

可能你會覺得奇怪，點解會因為一間公司未能offer就放棄原有計劃？非也非也！只是因為之前搵咗十幾間，只有Monarch的中式是我杯茶(當然可能還有做得更好的，我未有發現)，但Monarch真係幾貴，做到我想要的，要5位數，我過不了自己的關口！

正所謂“窮則變，變則通”，用西式的話，也無不可！不過就要用color tone match番個場地，免得場地與場地佈置格格不入！而我比較過市面做西式的deco公司，恕我直言，價錢平果d，所用的物資較差，設計亦千篇一律，我無辦法說服自己選用呢d公司！而wedding art西式佈置做得不錯，設計款式較多，所以我上去前，可以話已鎖定咗用佢地，只是睇睇價錢如何！

一如所料，佢地中式款式好少，亦唔係我心目中想要的，我就考慮西式！Basic package 與其他公司差不多，而Backdrop布料有好幾種可供選擇，但我睇中的閃身lace就要加錢 =_= ！另外，我諗住加多個photo area deco，因為佢地做呢方面佈置真係幾特別幾靚，當然啦，又要加錢！於Photo area及Backdrop 加射燈，又係錢…錢…錢！於加錢項目中，我覺得最無奈，就係加大backdrop！！

八月花係呢方面真係好奇怪！場仔細細，但個backdrop大到你唔信！一般場地 backdrop 是8×16”，但八月花就是10×21”！就係咁，我為咗加大個backdrop就唔見咗成千蚊！呢點唔關wedding art事，backdrop大咗，加錢是正常事，不過我地就“無啦啦”駛多咗成千！

心水清嘅你，都應該估到價錢都唔平，我覺得難下決定，就係…究竟我應唔應該花咁多錢係deco？Deco…未必每個賓客會講究，最在乎的永遠是新人！我覺得deco做得好，就有如家居裝修得靚一樣，你請朋友到你家，你都希望自己設計得到人家欣賞，自我滿足居多！

在落訂前一刻，我同楊生傾咗一陣，基本上楊生是沒有異議，只是睇我意思，我同佢講我BOOK DECO 睇幾個因素：

• 喜歡公司佈置風格與否
• DECO公司有否做過自己酒席場地經驗
• 口碑
• 價錢

此時，楊生就話：“睇嚟你都好鍾意呢間，唔BOOK 你會後悔架啦！同佢地傾吓可唔可以FREE多D啦！”哈哈…楊生實在太了解我！

其實佢地係價錢方面都企得好硬，最後FREE嘅野都唔係咁多！不過總算又KO多樣野啦，真係好開心！

婚前3個月會再到wedding art 開會，到時先決定deco 款式，但願一切順利！

http://weddingart.com.hk

• Mona Lisa 攝影後記 (2)
• 繼續…病!!! (3)
• 幸福 (2)
• 預訂酒席 (2)
• 祝您牛年事事順利！身體健康！ (2)
• 功欲善其事 必先利其器… (3)
• 甦醒… (2)
• 證婚場地之決擇 (2)
• Expo的意外收獲… (3)
• 講舞台劇‧講我 (2)

留下回應

點這裡取消回覆

名稱 (必填) :
電郵 (必填) :
網址 :
回應 : 插入表情符號

• 關閉