證婚場地之決擇
揀註冊地方呢一環，我同楊生都睇咗唔少地方先決定到！
最初我地想行教堂，但礙於我同楊生都唔係教徒，香港只有兩個地方我地可以揀！
薄扶林的伯大尼大教堂：勁靚!!不過同時都好貴…$5000大元2小時，還未包律師及其他雜項，仲要比deposit…我同楊生的親友都是九龍及新界人，要到薄扶林就要安排定車！還有行禮時間未能配合到酒樓做preparation，最後打消念頭！
西貢景輝堂：我同楊生都覺得個景麻麻，所以都唔考慮啦！
由於行教堂夢碎，我地就轉戰證婚場地。選擇證婚場地我地都有d要求：
- 地方要靚，最好樓底高
- 交通要方便，最好有車直到場地門口
- service要好，我唔想大好日子都比人黑口黑面對待
- 要穩陣，呢個時勢都係果句…好怕會執笠
我地用咗一個星期site visit ，得出以下結論及決擇：
尖沙咀一個新的證婚場地：幾靚，不過樓底矮，註冊完之後四周冇地方影相，我地site visit果日，見到pair新人影大合照好麻煩，佢地10多人塞住咗條路，就比途人鬧啦：結婚大晒呀，塞住條路！唉…你話幾慘！另外，我地仲發現咗個問題，由於佢係係商業大廈內，d賓客要搭lift上落，我同楊生眼見，d客人足足用咗20分鐘先落晒樓，咁會極度影響schedule…
尖東一商場證婚場地：要用電梯上落，新娘子唔方便…加上冇景影相，唔會考慮啦！
尖東老牌證婚中心：職員服務態度當被投訴唔多好，朋友領教過，此乃大忌，不會考慮啦！
還有…好幾間，問題都同以上差唔多…
最後我的選擇，登登登登…尖沙咀中港城世紀見證！
呢間最大的好處：開業1年，地方幾新幾靚，外面仲有個望到維港的海豚廣場，方便行完禮大合照！而且仲有車直到場地門口，超方便！至於service… 唔錯，去過2次site visit態度都幾好！加上鄭家富是老闆之一，我諗會好安全！
哈…不過我都覺得有缺點，就係樓底矮咗d！不過世事就係冇咁完美架啦，所以都是我同楊生不二之選！
2 則回應
留下回應
我睇其他BLOG人說，原來伯大尼大教堂原來是勁難BOOK的！
我同你都一樣，希望呢間野，生生性性，服務周到啦！
係啦…希望佢keep到水準啦…